தேனி : நபார்டு நிதி உதவி திட்டத்தில் ரோடு வசதிகளை மேம்படுத்துவதற்காக தேனி மாவட்டத்திற்கு 4 கோடியே 4 லட்சம் ரூபாய் நிதி ஒதுக்கீடு செய்யப்பட்டுள்ளது.நபார்டு சாலை கட்டமைப்பு வளர்ச்சி திட்டத்தின் கீழ், ரோடு திட்டங்களுக்காக நடப்பு நிதியாண்டிற்கு, 4 கோடியே 3 லட்சத்து 98 ஆயிரம் ரூபாய்நிதி ஒதுக்கீடு செய்யப்பட்டுள்ளது.

பெரியகுளம் குமுளி ரோடு- கரைப்பட்டி ரோடு 44.85 லட்சத்திலும், வடபுதுப்பட்டி- கலெக்டர் அலுவலக ரோடு 31.60 லட்சத்திலும், கம்பம்-சுருளிப்பட்டி ரோடு 88.10 லட்சத்திலும், சுருளிப்பட்டி- கல்லிறைச்சல் ரோடு 46.26 லட்சத்திலும், கூடலூர்-பளியன்குடி ரோடு 81.33 லட்சம் ரூபாயிலும் தார் ரோடாக மாற்றப்படுகிறது.

* செங்குளம்-ஆலந்தளிர் ரோடு 5.7 கி.மீ., தூரத்திற்கு 97 லட்சத்து 20 ஆயிரத்திலும், சித்தார்பட்டி-ஜி.உசிலம்பட்டி ரோடு 33.19 லட்சம் ரூபாயிலும் ரோடு பணி நடக்க உள்ளது. மாவட்ட ஊரக வளர்ச்சி முகமை கண்காணிப்பில், பணிகள் விரைவில் துவங்க உள்ளன.