ஊட்டி : நீலகிரியில் தென்மேற்கு பருவ மழை தீவிரமடைந்துள்ள போதும் மின் உற்பத்திக்கு பயன்படும் முக்கிய நீர்த்­தேக்கங்களில் போதுமான நீர் இருப்பு இல்லை.நீலகிரியின் அனைத்து பகுதிகளிலும் தென்மேற்கு பருவ மழை பெய்து வருகிறது.

குன்னூரில் 1.20 மி.மீ., கூடலூரில்15 மி.மீ., குந்தாவில் 3 மி.மீ., கேத்தியில் 6 மி.மீ., கோத்தகிரியில் 2 மி.மீ., நடுவட்டத்தில் 24 மி.மீ., ஊட்டியில் 10 மி.மீ., கிளன்மார்கனில் 12 மி.மீ., அப்பர் பவானியில் 24 மி.மீ., எமரால்டில் 8 மி.மீ., அவலாஞ்சியில் 35 மி.மீ., கெத்தையில் 1 மி.மீ., என மொத்தம் 221.7 மி.மீ., மழை பதிவா­கியுள்ளது.இதன் பின்பு மழையின் தாக்கம் குறைந்தது. மேலும் மின் உற்பத்திக்கு பயன்படும் அணை­களான எமரால்டு மற்றும் அவலாஞ்சி அணைகள் நிரம்பவில்லை. நீர்மட்டமும் குறைவாக உள்ளது. இந்நிலையில், தென்மேற்கு பருவ மழை முடியும் தருவாயில் உள்ளதால், வரும் சில நாட்களில் அணைகள் நிரம்ப வாய்ப்பில்லை. இதனால் மின் உற்பத்தி பாதிக்கும் அபாயம் ஏற்பட்டுள்ளது. இதனை சமாளிக்கவும் மின் உற்பத்தி பிரிவு நடவடிக்கை எடுத்து வருகிறது.