உயிர்காக்கும் மருந்துகள் (ஆன்டிபயாடிக்) அனைத்து மருந்து கடைகளிலும் தற்போது கிடைக்கிறது. ஆனால், மத்திய அரசு தாக்கல் செய்துள்ள இந்த வரைவு மசோதாவில் 16 வகையான உயிர்காக்கும் மருந்துகள் மிகப்பெரிய மருத்துவமனைகளில் (டெரிடோரியல் மருத்துவமனைகள்) மட்டும்தான் கிடைக்கும்; தமிழகத்தில் இதுபோன்று எட்டு மருத்துவமனைகள்தான் உள்ளன. சாதாரண மருந்துக்கடைகளில்கூட கிடைத்து வரும் இவ்வகை உயிர் காக்கும் மருந்து, இச்சட்டத்தால் சாதாரண மனிதனுக்கு கிடைக்காத நிலை ஏற்படும்; கடும் தட்டுப்பாடு ஏற்படும். இந்த சட்டத்துக்கான மசோதா பார்லிமென்ட்டில் விவாதத்துக்கு வரும்போது இதன் தீமைகள் குறித்து எடுத்துரைத்து மத்திய அரசின் கவனத்துக்கு கொண்டு செல்ல வேண்டும். இவ்வாறு, மனுவில் தெரிவிக்கப்பட்டுள்ளது.சங்கப் பொருளாளர் செல்வம், துணை தலைவர் சுப்ரமணியம் உள்ளிட்ட சங்க நிர்வாகிகள் உடனிருந்தனர்.