பெரியகுளம் நகராட்சியில் பா.ம.க., வேட்பாளர் அ.பாண்டிகாமாட்சி, 42. மாம்பழம் சின்னத்தில் போட்டியிடுகிறார். வர்த்தக பிரமுகர் அன்னகாமுநாயுடுவின் மகன். கட்சி அறிவிக்கும் அனைத்து வேலைகளையும் ஈடுபாட்டுடன் செய்ததால், பா.ம.க., நிறுவன தலைவர் ராமதாஸ், மாநில இளைஞரணி தலைவர் அன்புமணி ஆகியோர் அ.பாண்டிகமாட்சியை வேட்பாளராக அறிவித்துள்ளனர். இவர், முன்னாள் மாவட்ட தலைவராகவும், மாநில இளைஞரணி துணை செயலாளராகவும், தற்போது நகர செயலாளராகவும் உள்ளார். அ.பாண்டிகாமாட்சி கூறியதாவது: அனைவருக்கும் பாதுகாக்கப்பட்ட குடிநீர் இலவசமாக வழங்கப்படும். நகராட்சி பள்ளி தரம் உயர்த்தப்பட்டு மாலை வேலைகளில் 'ஸ்போக்கன் ஆங்கிலம்' ஸ்போக்கன் இந்தி' மற்றும் சிறப்பு வகுப்புகள் நடத்தப்படும். நவீன உடல் பயிற்சி கூடம் அமைக்கப்படும். வாரம்தோறும் மக்கள் குறை தீர்க்கும் முகாம் அந்தந்த வார்டு பகுதிகளில் நடத்தப்பட்டு குறைகளை களைய நடவடிக்கை எடுக்கப்படும்.