செஞ்சி : செஞ்சி அருகே வட்டார வள மைய ஆசிரியை கொலை செய்யப்பட்டு கிடந்தார்.திருவண்ணாமலை மாவட்டம் போளூர் அடுத்த கவுந்தம்பாளையம் கிராமத்தை சேர்ந்தவர் நாராயணன் மகள் அம்பிகா,28; பி.ஏ., பி.எட்., படித்தவர்.

கழுத்து, வயிற்றில் பல இடங்களில் கூர்மையான ஆயுதத்தால் குத்தி, தலையில் கல்லால் அடித்து கொலை செய்துள்ளனர். உடல் அருகே ஒரு ஜட்டி, மொபைல் போன், பெண்கள் அணியும் செருப்பு இருந்தது. அவர் அணிந்திருந்த கம்மல், கால் கொலுசு அப்படியே இருந்தன.விழுப்புரம் ஏ.டி.எஸ்.பி., பெருமாள், டி.எஸ்.பி., பன்னீர் செல்வம், இன்ஸ்பெக்டர்கள் சிங்காரவேலு, மணவாளன் விசாரணை நடத்தினர். மோப்ப நாய் மிஸ்டி ஒரு கி.மீ., தூரம் ஓடி நின்றது.ஆசிரியை அம்பிகாவை கடத்தி சென்று கற்பழித்து கொலை செய்தனரா அல்லது நெருங்கி பழகிய நபருடன் உல்லாசமாக இருந்த போது ஏற்பட்ட பிரச்னையில் கொலை செய்யப்பட்டாரா என போலீசார் விசாரிக்கின்றனர்.