கோபிசெட்டிபாளையம்: அமைச்சர் வருகையால் கோபி தாலுகா அலுவலகம் திடீரென சுத்தமானது.

தாலுகா அலுவலகத்துக்கு கலெக்டர், டி.ஆர்.ஓ., உள்ளிட்ட அதிகாரிகள் வந்தபோது கூட தாலுகா அலுவலக வளாகம் சுத்தம் செய்யப்படவில்லை. பல்வேறு வகையான நலத்திட்ட உதவிகள் வழங்க, நேற்று காலை தாலுகா அலுவலகத்துக்கு, வேளாண் துறை அமைச்சர் செங்கோட்டையன் வந்தார். அமைச்சர் வருகையால், இரண்டு நாட்களாக சுத்தம் செய்யும் பணி நடந்தது. வீணாக கிடந்த மரங்கள், குப்பை ஆகியவை அகற்றப்பட்டது. நேற்று காலை அ.தி.மு.க., நிர்வாகிகள் சிலரை தவிர, மற்றவர்கள் அலுவலகத்துக்குள் அனுமதிக்கப்படவில்லை. முகப்பு வாயில் கேட் பூட்டப்பட்டது. சிவில் சப்ளை தாசில்தார் அலுவலகத்துக்கு வந்த மக்கள் வெளியில் காத்திருந்தனர்.