பொள்ளாச்சி தாலுகாவிலுள்ள மின் நுகர்வோரின் வசதிக்காக ஒவ்வொரு துணை மின் நிலையத்திற்குட்பட்ட செயற்பொறியாளர் அலுவலகத்தில் பெயர் மாற்ற சிறப்பு முகாம் நடக்கிறது. பொள்ளாச்சி செயற்பொறியாளர் அலுவலகத்தில் நடந்த முகாமில், கோவை மண்டல தலைமை பொறியாளர், உடுமலை திட்ட மேற்பார்வை பொறியாளர் சந்திரன் ஆகியோர் தலைமை வகித்தனர். இதில், பெயர் மாற்றம், மின் சிக்கனம் மற்றும் மின் பாதுகாப்பு அவசியம் குறித்து வலியுறுத்தப்பட்டது. மேலும், 'குண்டு பல்புகளுக்கு மாற்றாக குழல் விளக்குகள் (சி.எப்.எல்.,) பயன்படுத்த வேண்டும். இதன் மூலம் வெப்பத்தை குறைக்க வேண்டும்' என, தெரிவிக்கப்பட்டது. மொத்தம் 173 பேர் பெயர் மாற்ற கோரி விண்ணப்பித்தனர். விண்ணப்பித்த அனைவரின் விண்ணப்பங்களுக்கும் உடனடி தீர்வு ஏற்படுத்தப்பட்டது. இத்தகவலை செயற்பொறியாளர் மோகன் தெரிவித்தார்.