கடலூர் : சுப்ரீம் கோர்ட் தீர்ப்பின்படி சமச்சீர் கல்வி பாடப் புத்தகங்களை உடனடியாக மாணவர்களுக்கு வழங்க வலியுறுத்தி வரும் 26ம் தேதி கல்லூரி மற்றும் பள்ளி மாணவர்களை திரட்டி போராட்டம் நடத்தப்படும் என இந்திய மாணவர் சங்கம் அறிவித்துள்ளது.

சங்கத்தின் மாநிலச் செயலர் ராஜ்மோகன் கடலூரில் நேற்று நிருபர்களிடம் கூறியதாவது: சமமான, தரமான கல்வி முறையை ஏற்படுத்த கடந்த 10 ஆண்டுகால போராட்டத்திற்குப் பிறகு கடந்த ஆட்சியில் அமல்படுத்தப்பட்ட சமச்சீர் கல்வி திட்டத்தை பின்னுக்குத் தள்ளும் முயற்சியில் தற்போதைய அரசு ஈடுபட்டு வருகிறது.