ஈரோடு: 'கள் மீதான தடை நீக்குவது குறித்து, அரசால் நியமிக்கப்பட்ட நீதிபதி சிவசுப்பிரமணியம் குழு அறிக்கையை, அரசு வெளியிட வேண்டும்' என, கள் இயக்கம் கோரியுள்ளது.

தி.மு.க., ஆட்சியில் நியமிக்கப்பட்ட நீதிபதி சிவசுப்பிரமணியம் தலைமையிலான குழு, மதுரை, நெல்லை, ஈரோடு, சேலம், தஞ்சை, திருவண்ணாமலை ஆகிய இடங்களில் ஆய்வு நடத்தி, தனது அறிக்கையை அரசுக்கு அளித்துள்ளது. அப்போதைய தி.மு.க., அரசு அந்த அறிக்கையை வெளியிட மறுத்து விட்டது. தற்போது, ஆட்சி மாற்றம் ஏற்பட்டு, புதிதாக பொறுப்பேற்றுள்ள அ.தி.மு.க., அரசு உடனடியாக அக்குழு அறிக்கையை வெளியிட வேண்டும் உள்பட தீர்மானங்கள் நிறைவேற்றப்பட்டன.