சென்னை:சிக்கிம் மாநிலத்தில், பூகம்பத்தினால் பாதிக்கப்பட்ட மக்களுக்கு, ஸ்ரீசத்யசாய் அமைப்பு, நிவாரணப் பொருட்கள் வழங்கவுள்ளது.இது குறித்து, ஸ்ரீசத்தியசாய் அமைப்பின் தலைமையிடமான பிரசாந்தி நிலையம், வெளியிட்டுள்ள செய்திக் குறிப்பு:ஸ்ரீசத்யசாய் அமைப்பு கிராமப்புற சேவை, இலவச மருத்துவ முகாம், நெறிசார் கல்வி, மருத்துவ உதவி, ஆன்மிக நடவடிக்கைகள் மற்றும் பேரழிவினால் பாதிக்கப்பட்டவர்களுக்கு நிவாரணம், உள்ளிட்ட பல்வேறு நடவடிக்கைகளை மேற்கொண்டு வருகிறது.குஜராத் பூகம்பம், ஒடிசாவில் ஏற்பட்ட வெள்ளப்பெருக்கு, சுனாமி தாக்குதலுக்கு உட்பட்ட தமிழகப் பகுதிகள் ஆகிய இடங்களில், பகவான் சத்யசாயின் அறிவுரையான, அன்பு மற்றும் உதவி என்னும் கூற்றின்படி, ஸ்ரீசத்யசாய் அமைப்பைச் சேர்ந்த தன்னார்வத் தொண்டர்கள், நிவாரணப் பணிகளில் ஈடுபட்டனர்.

அதேபோல், கடந்த, சில தினங்களுக்கு முன், சிக்கிமில் நடந்த பூகம்பத்தால், ஏராளமான உயிர் மற்றும் பொருட்சேதம் ஏற்பட்டது.