நாமக்கல் அடுத்த கொங்குநாடு மேல்நிலைப்பள்ளியில், வட்டார அளவில் பள்ளிகளுக்கு இடையே பெண்களுக்கான (19 வயதுக்கு உட்பட்ட) மேல் மூத்தோர் கபடி போட்டி நடந்தது. போட்டியை, பள்ளி தலைமையாசிரியர் குமாரசாமி துவக்கி வைத்தார். பள்ளி ஆலோசகர் ராஜராஜன் முன்னிலை வகித்தார். போட்டியில், காந்தி மேல்நிலைப்பள்ளி அணியும், கொங்குநாடு மேல்நிலைப்பள்ளி அணியும் மோதின. அதில், கொங்குநாடு மேல்நிலைப்பள்ளி அணி வெற்றி பெற்று முதலிடம் பிடித்தது. வெற்றி பெற்ற மாணவியருக்கு, நாமக்கல் மாவட்ட உடற்கல்வி ஆய்வாளர் திருநாவுக்கரசு, பரிசு மற்றும் சான்றிதழ் வழங்கினார். வெற்றி பெற்ற மாணவியரை, உடற்கல்வி ஆசிரியர் சதீஸ்குமார், ஆசிரியர்கள் பாராட்டினர்.