சென்னை : கடிதம் மூலம் வந்த வெடிகுண்டு மிரட்டலால், அண்ணா சாலை தலைமை தபால் நிலையத்தில், நேற்று பரபரப்பு ஏற்பட்டது.

இதுகுறித்து, தபால் துறை அதிகாரிகள், சிந்தாதரிபேட்டை போலீஸ் நிலையத்தில் புகார் அளித்தனர். வெடிகுண்டு கண்டறியும் பிரிவினர், மோப்ப நாய், 'அஸ்ட்ரோ'வுடன் வந்து, தபால் நிலைய அலுவலகம் முழுவதும், ஐந்து மணி நேரத்திற்கும் மேலாக சோதனை நடத்தினர். சோதனையில், வெடிகுண்டு எதுவும் கிடைக்காததால், அது வெறும் புரளி என தெரிய வந்தது. இதையடுத்து, தபால் நிலையத்திற்கு பலத்த போலீஸ் பாதுகாப்பு போடப்பட்டது.