குறிப்பாக ஒக்கிலிக்கர் காலனி மாநகராட்சி மேல்நிலைப் பள்ளி சார்பில் 'ஏ' குறுமைய மாணவருக்கான ஹாக்கிப் போட்டி பாரதியார் பல்கலையில் நேற்று துவங்கியது. இதில் 14 வயது ஜூனியர், 17 வயது சீனியர், 19 வயது சூப்பர் சீனியர் பிரிவுகளில் பங்கேற்றனர்.17 வயது சீனியர் பிரிவு ஹாக்கி அரை இறுதிப் போட்டியில் தேவாங்கர் மேல்நிலை பள்ளி 3-0 என்ற கோல் கணக்கில் டி.ஏ.,ராமலிங்கம் செட்டியார் மேல்நிலைப் பள்ளியை வென்றது. 19 வயது சூப்பர் சீனியர் பிரிவில் கிக்கானி மேல்நிலை பள்ளி 2-0 என்ற கோல் கணக்கில் டி.ஏ.ராமலிங்கம் செட்டியார் மேல்நிலை பள்ளியையும், மற்றொரு அரை இறுதிப் போட்டியில் தேவாங்கர் மேல்நிலைப் பள்ளி 1-0 என்ற கோல் கணக்கில் சபர்பன் மேல்நிலைப் பள்ளியையும் வென்றன.இன்று அனைத்து பிரிவுகளுக்கும் இறுதிப் போட்டிகள் நடக்கின்றன.