இதில் செயலாளராக கரிக்கோல்ராஜ், பொருளாளராக சந்திரமோகன் வெற்றி பெற்றதாக தெரிவிக்கப்பட்டது. இவர்கள் கல்லூரி கட்டட நிதி போன்றவைகளை வசூலித்து, பாலிடெக்னிக் கணக்கில் வரவு வைக்காமல், அவர்கள் பெயரிலுள்ள கணக்கில் வரவு வைத்தனர். இந்த மோசடி குறித்து நகர குற்றப்பிரிவு போலீசில் புகார் கொடுக்கப்பட்டது. வழக்கு பதிவு செய்த போலீசார் நடவடிக்கை எடுக்கவில்லை. இறுதி அறிக்கை தாக்கல் செய்ய உத்தரவிட வேண்டும், என தெரிவிக்கப்பட்டது. மனுவை விசாரித்த நீதிபதி எம்.எம்.சுந்தரேஷ், ''மதுரை குற்றப்பிரிவில் நிலுவையில் உள்ள வழக்கை ஒரு வாரத்திற்குள் நாகர்கோவில் மாவட்ட குற்றப்பிரிவுக்கு மாற்ற வேண்டும். மூன்று மாதங்களுக்குள் போலீசார் விசாரித்து, குற்றப்பத்திரிகை தாக்கல் செய்ய வேண்டும்,'' என உத்தரவிட்டார்.