ராஜபாளையம் : ராஜபாளையம் சத்திரப்பட்டி அரசு ஆண்கள் மேல்நிலைபள்ளியில் தலைமை ஆசிரியர், தமிழ் மற்றும் கணக்கு ஆசிரியர்கள் இல்லை.

பத்தாம் வகுப்பு மாணவர்களின் நிலையை கருத்தில் கொண்டு பெண்கள் பள்ளி ஆசிரியர் அண்ணாத்துரை மாற்று பணியாக பாடம் நடத்துகிறார். பள்ளிகளில் காலாண்டு தேர்வு துவங்கி விட்டது. ஏழு மாதங்களில் அரசு பொதுத்தேர்வை பத்தாம் வகுப்பு மாணவர்கள் சந்திக்க உள்ளனர். வசதி இல்லாத மாணவர்கள் அரசு பள்ளிகளில் சேர்கின்றனர். டியூசனுக்கு வழி இல்லாமல், பள்ளி ஆசிரியர்களை நம்பியே உள்ளனர். ஆசிரியர்கள் பற்றாக்குறையால், மாணவர்களின் தேர்ச்சி பாதிக்கப்படும். கல்வி துறை அதிகாரிகள் நடவடிக்கை எடுத்து, தலைமை ஆசிரியர் மற்றும் ஆசிரியர்கள் பற்றாக்குறையை சரி செய்ய வேண்டும்.