கிள்ளை : சிதம்பரம் அருகே பெட்டிக்கடை நடத்தி வந்த பெண்ணிடம் பொருட்கள் வாங்குவதுபோல் நடித்து தங்க சங்கிலியை அறுத்துச் சென்ற மர்ம நபரை போலீசார் தேடி வருகின்றனர்.

கீழே விழுந்த காசை அஞ்சம்மாள் குனிந்து எடுத்த போது கழுத்தில் இருந்த ஏழு சவரன் தங்க சங்கிலியை அறுத்துக் கொண்டு ஓடியுள்ளான். இதன் மதிப்பு ஒரு லட்சம் ரூபாய்க்கும் மேல் இருக்கும் என கூறப்படுகிறது. இது குறித்து கிள்ளை போலீசார் வழக்குப் பதிந்து மர்ம ஆசாமியை தேடி வருகின்றனர். இது வரை கிள்ளைப் பகுதியில் இல்லாத நூதன திருட்டால் அப்பகுதியினர் அச்சத்தில் உள்ளனர். கிள்ளை போலீஸ் நிலையத்தில் போதுமான போலீசார் இல்லாததால் இரவு நேரத்தில் ரோந்து பணிக்கு கூட செல்ல ஆள் இல்லாத நிலை ஏற்பட்டுள்ளது குறிப்பிடத்தக்கது.