முதுகுளத்தூர் : கடந்த ஐந்து ஆண்டுகளாக வீட்டு வசதி கூட்டுறவு சங்கங்களுக்கு அரசு கடனுதவி வழங்காததால், வங்கிகள் செயலிழந்து உள்ளன.

கடந்த ஆட்சியில் பல கோடி ரூபாய்க்கான வீட்டு கடன்களை தள்ளுபடி செய்தது. இதை சங்கங்களுக்கு அரசு வழங்கவில்லை. இதனால் சங்கங்கள் வெறும் பதிவேடுகளை மட்டும் கொண்டு காட்சி பொருளாய் உள்ளது. மேலும் ஊழியர்களுக்கு கடந்த 18 மாதங்களாக சம்பளம் வழங்கவில்லை.மேலும் சாமானிய மக்கள் வீட்டு கடன் கோரி, தேசிய வங்கிகளுக்கு மாதக்கணக்கில் அலைந்து வருகின்றனர். நலிவடைந்த வீட்டு வசதி கூட்டுறவு சங்கங்களுக்கு போதிய நிதி ஒதுக்கவும், ஊழியர்களுக்கு நிலுவை உள்ள சம்பளத்தை வழங்க அரசு நடவடிக்கை எடுக்க வேண்டும். இதுகுறித்து கூட்டுறவு அதிகாரி ஒருவர் கூறுகையில், ''விரைவில் இந்த பிரச்னை தீர்க்கப்படும்,'' என்றார்.