இந்தியாவின் தேசத்தந்தை மகாத்மா காந்தியடிகளின் பிறந்த நாளான இன்று (அக்.,2) 'சர்வதேச அகிம்சை தினமாக' உலகம் முழுவதும் இன்று கடைபிடிக்கப்படுகிறது.

'மகாத்மாவே எங்கள் ஆத்மா'

'ஓ மகாத்மாவே உன்னையே நினைத்து வாடுகின்றோம்'

பிற ஆத்மாக்களுடன் எங்கெல்லாமோ உன்னைத் தேடுகின்றோம்

உனைப் போல் இங்கு ஒருவரும் இன்று இல்லையே

சுதந்திரமே பறிபோகுமோ என்ற அச்சத்தால் தொல்லையோ

உன்னிடம் கண்ட ஒழுக்கும், தூய்மை, நேர்மை, உண்மை, சிக்கனம்,

இவை இன்று வலம் வரும் எவரிடமாவது இருக்கின்றனவா?

ஓ காந்தியே, அன்று வெள்ளையனையே நீ வெளியேற்றினாய்

இன்று ஒரு கொள்ளையனைக் கூட பிடிக்க முடியவில்லையே

'பயங்கரவாதம் நம் நாட்டுக்கு ஒரு பெரிய சவால்

தீவிரவாதத்தால் நாட்டின் வளர்ச்சியே இன்று திவால்

'புற்றுநோய் உடலில் துரிதமாய் பரவுவது போல்,

தீவிரவாதம் உலகெங்கும் தீவிரமடைந்துள்ளதே

கைகுண்டு கூட இன்று கடைச்சரக்காயிற்றே

எங்கு குண்டு வெடிக்குமெனத் தெரியவில்லையே?

என்னதான் இதற்கு முடிவுயெனப் புரியவில்லையே?

'ஜனநாயக நாட்டுக்கு இன்றும் தாங்க முடியாத தொல்லையே'

''மகாத்மாவின் புகழ் அறியாதவர் பூமியில் உண்டோ?

''ஓ மகாத்மாவே, நீ இன்று மறுபிறவி எடுத்திடல் வேண்டும்

,உயிர் துடித்து மடியும் மக்களை மீட்டிடல் வேண்டும்.'

- வஜ்ரா எஸ்.கிருஷ்ணன், மதுரை