அந்த கும்பலை சேர்ந்தவர்கள் மீது நடவடிக்கை மேற்கொள்ள, போலீஸ் கமிஷனருக்கு, கலெக்டர் மகரபூஷணம் உத்தரவிட்டார். சேலம் மாவட்ட கலெக்டர் அலுவலகத்தில், நேற்று நடந்த குறைதீர் கூட்டத்தில், காலை முதல் மக்கள் கூட்டம் அதிகப்படியாக காணப்பட்டது. மாலை, 2 மணியளவில், சேலம் சின்னக்கொல்லப்பட்டியைச் சேர்ந்த ராஜசேகர்(24), தனியார் நிறுவன ஊழியர், அதே பகுதியைச் சேர்ந்த கல்லூரி மாணவி சுகன்யா(19) இருவரும் வந்தனர். கலெக்டரிடம், மூன்று ஆண்டுகளாக காதலித்து வருவதாகவும், பெற்றோர் எதிர்ப்பை மீறி திருமணம் செய்து கொண்டோம், பாதுகாப்பு வழங்க வேண்டும் என, கேட்டனர். மாவட்ட சமூக நல அலுவலகத்தை தொடர்பு கொள்ளுமாறு, கலெக்டர் அவர்களிடம் தெரிவித்தார். அலுவலகத்தில் உள்ள ஊழியர்கள் சாப்பிட சென்றதால், காதல் ஜோடி அங்கு வராண்டாவில் வேடிக்கை பார்த்தபடி வலம் வந்தனர். கலெக்டர் அலுவலகத்தில் காதல் ஜோடி சுற்றித்திரிவது பற்றி, பெண் வீட்டாருக்கு தெரியவந்தது. ஆட்டோவில், 10 பேர் கொண்ட கும்பல் கலெக்டர் அலுவலகத்துக்குள் புகுந்தது.