மதுரை: மதுரையில் சிகிச்சை பெறும் வடமாநில நோயாளிகளின் எண்ணிக்கை, கடந்த மூன்றாண்டுகளாக அதிகரித்து வருகிறது.

இருதயநோய், குடல், எலும்பு சிகிச்சை பெற மேற்குவங்கம், மால்டா, மித்னாபூர், போத்தமான் மாவட்டங்களில் இருந்து அதிகம் பேர் மதுரை பெறுகின்றனர். மதுரை மீனாட்சி மிஷன் மருத்துவமனையில் 2500 பேர் சிகிச்சை பெற்றுள்ளனர். இதுகுறித்து மருத்துவமனை துணைத் தலைவர் குருசங்கர் கூறுகையில், ''இந்தியாவில் தமிழகத்தில் மருத்துவ சிகிச்சை தரமானதாகவும், மதுரையில் செலவு குறைவாகவும் உள்ளது. வாரம் ஒருமுறை கோல்கட்டா முதல் கன்னியாகுமரி வரை வரும் ஹவுரா எக்ஸ்பிரஸ் ரயிலை அதிகம் பயன்படுத்துகின்றனர்,'' என்றார்.