ஈரோடு: பணியில் கவனக்குறைவாக இருந்த வெள்ளோடு அரசு மாணவர் விடுதி சமையலர் இடமாற்றம் செய்யப்பட்டார்.

''ஈரோடு மாவட்டத்தில் உள்ள ஆதிதிராவிடர் நலத்துறை, பிற்படுத்தப்பட்டோர் நலத்துறை மூலம் நடத்தப்படும் மாணவ, மாணவியர் விடுதிகளில் தரமான உணவும், அரசு அறிவித்துள்ளபடி மாணவர்களுக்கு உரிய சத்தான, சுகாதாரமான உணவு வழங்கப்பட வேண்டும். விடுதி காப்பாளர்கள் இப்பணியை முறையாக செய்ய வேண்டும். அனைத்து விடுதிகளையும் கண்காணிக்க துறை அலுவலர்கள் தலைமையிலான குழு அமைக்கப்பட்டுள்ளது. அக்குழுவினர் மாவட்டம் முழுவதும் உள்ள விடுதிகளை, எப்போது வேண்டுமானாலும், ஆய்வு செய்வர். விடுதி காப்பாளர், சமையலர் ஏதாவது தவறு செய்து கண்டுபிடிக்கப்பட்டால், அவர்கள் மீது கடும் நடவடிக்கை எடுக்கப்படும்'' என, கலெக்டர் காமராஜ் எச்சரித்தார்.