சென்னை செனாய் நகர் பூங்காவில், மெட்ரோ ரயில் நிலையம் கட்டுமானப் பணிகள் நடைபெறுவதால், பூந்தமல்லி நெடுஞ்சாலையிலிருந்து, புல்லா அவென்யூ வழியாக லிங்க் மற்றும் முதலாவது, இரண்டாவது நிழற்சாலைகளுக்குச் செல்லும் வாகனங்கள், மேற்கு பூங்கா சாலை மற்றும் செனாய்நகர் மேற்கு முதலாவது பிரதான சாலை, 7 வது குறுக்கு தெரு, கிரசன்ட் சாலை 3வது மற்றும் 4வது நிழற்சாலை சந்திப்பு வழியாகச் செல்ல வேண்டும். புல்லா அவென்யூவிலிருந்து, கீழ்ப்பாக்கம் தோட்ட சாலை செல்லும் வாகனங்கள் மேற்கு பூங்கா சாலை, செனாய் நகர் மேற்கு முதலாவது பிரதான சாலை, 8வது குறுக்கு தெரு, லிங்க் சாலை வழியாக கீழ்ப்பாக்க தோட்ட சாலை செல்ல வேண்டும். கீழ்ப்பாக்கம் தோட்ட சாலை வழியாக, அண்ணாநகர் நோக்கி வரும் வாகனங்கள், லிங்க் சாலை, செனாய் நகர் 7வது குறுக்கு தெரு, கிரசன்ட் பார்க் சாலை, 3 வது மற்றும் 4 வது நிழற்சாலை வழியாகச் செல்ல வேண்டும். இதேபோல், ஹால்டா சந்திப்பிலிருந்து, கிண்டி நோக்கிச் செல்லும் வாகனங்கள், த.நா., எம்.ஜி.ஆர்., பல்கலை வளாகத்தில் அமைக்கப்பட்டுள்ள சாலையில், சென்று கிண்டி பாலத்தை அடையலாம்.