இங்குள்ள எஸ்.எஸ்., காலனியை சேர்ந்த நடராஜன் மனைவி சின்னம்மாள்(55). நேற்று முன்தினம் இரவு 7.30 மணிக்கு, வீட்டிற்கு முன் நின்றுகொண்டிருந்தார். அவ்வழியாக வந்த மர்ம நபர்கள் 3 பேர் சின்னமாள் கழுத்தில் இருந்த 8.5 பவுன் செயினை பறித்து விட்டு தப்பினர். சின்னம்மாள் கூச்சலிடவே, மர்மநபர்களும் திருடர்களை பிடிப்பவர்கள் போல் கூச்சலிட்டவாரே ஓடினர். இதனால், அப்பகுதி மக்களுக்கு அவர்கள் மீது சந்தேகம் வரவில்லை. பின்,சிறிது தூரம் சென்றதும், வீட்டு வாசலில் நின்ற சுப்பையாவின் மனைவி கருப்பாயி (60)கழுத்தில் கிடந்த 3.5 பவுன் செயினையும் இதேகும்பல் பறித்துக்கொண்டு ஓடியது. சிங்கம்புணரி இன்ஸ்பெக்டர் சுகுமாறன் விசாரிக்கிறார்.