மார்த்தாண்டம் : குழித்துறை வாவுபலி பொருட்காட்சியில் மக்கள் கூட்டம் அலைமோதுகிறது.

நேற்று நடந்த போட்டியில் ஐரேனிபுரம் சி.எஸ்.ஐ., வி.வி., பள்ளி, மார்த்தாண்டம் எல்.எம்.எஸ்., பள்ளி, பள்ளியாடி எல்.எம்.எஸ்., பள்ளி அணிகள் மோதின. இன்று(26ம் தேதி) விளவங்கோடு அரசு மேல்நிலைப்பள்ளி, மார்த்தாண்டம் அரசு ஆண்கள் மேல்நிலைப்பள்ளி அணிகள் மோதுகின்றன.நாளை கல்லூரிகளுக்கு இடையிலான போட்டி துவங்குகிறது. முதல் நாள் லட்சுமிபுரம் கல்லூரி, அகஸ்தீஸ்வரம் விவேகானந்த கல்லூரி அணிகள் மோதுகின்றன. வரும் 4ம் தேதி முதல் பெண்கள் கபடி போட்டி துவங்குகிறது. முதல் போட்டியாக நாகர்கோவில் இந்து கல்லூரி, லட்சுமிபுரம் கல்லூரி அணிகள் மோதுகின்றன. 5ம் தேதி ஸ்காட் கிறிஸ்தவ கல்லூரி, சுங்கான்கடை ஐயப்பா கல்லூரி அணிகள் மோதுகின்றன.இதற்கான ஏற்பாடுகளை குழித்துறை நகராட்சி நிர்வாகம் சார்பில் சுகாதார அதிகாரி நாகராஜன் தலைமையில் ஊழியர்கள் செய்துள்ளனர்.