அவிநாசி : அரசின் 'வாட்' வரி விதிப்பால், விசைத்தறி தொழிலாளர் வேலையிழக்கும் அபாயம் ஏற்பட்டுள்ளது.

ஜவுளி உற்பத்தியாளர்கள் கூறியதாவது: கடந்த ஒன்றரை ஆண்டாக விசைத்தறி தொழில் பல்வேறு நெருக்கடிகளை சந்தித்து வருகிறது. கடும் மின்வெட்டு, அபரிமிதமான நூல் விலை உயர்வு, தொழிலாளர் பற்றாக்குறை, ஜவுளி மார்க்கெட் சரிவு ஆகியவற்றால், தொழில் மிகவும் நலிவடைந்துள்ளது. இந்நிலையில் அரசு விதித்துள்ள 'வாட்' வரி, கடும்பாதிப்பை ஏற்படுத்துகிறது.தொழிலை நேரடியாகவும் மறைமுகமாகவும் நம்பி லட்சக்கணக்கான குடும்பத்தினர் உள்ளனர்; தொழில் பாதிக்கப்பட்டால் அனைவரின் வாழ்வாதாரமும் கடுமையாக பாதிக்கப்படும். விசைத்தறி தொழில், அதில் ஈடுபட்டுள்ள தொழிலாளர்களின் நலன் காக்க, தமிழக அரசு விசைத்தறி தொழிலுக்கு விதித்துள்ள 'வாட்' வரியை விலக்கி கொள்ள வேண்டும், என்று கூறினர்.