கோவை : எஸ்.16 கிரியேடிவ் லேப்ஸ் நிறுவனம் சார்பில் 'இ பிராண்ட்' கல்வி கையேடு வெளியீட்டு விழா, அவிநாசி ரோட்டிலுள்ள ஜென்னீஸ் ரெசிடென்சி ஓட்டலில் நேற்று நடந்தது.

எஸ்.16 கிரியேடிவ் லேப்ஸ் நிர்வாக இயக்குனர் விஜய்ஆனந்த் கூறியதாவது: எங்கள் நிறுவனத்தின் ஐந்தாம் ஆண்டு நிறைவு விழாவை முன்னிட்டு, கல்வித்துறையில் ஒரு புதிய முயற்சியாக, பல தனித்துவமிக்க தகவல்களுடன், மாணவ, மாணவியர், ஆசிரியர்கள் மற்றும் பெற்றோர், ஒருங்கிணைந்து பயன்பெறும் வகையில், அவர்கள் மனதில் ஏற்படும் பல கேள்விகளுக்கு பதிலளிக்கும் வகையில், 'இ பிராண்ட்' கல்வி கையேடு வடிவமைத்துள்ளோம். கால்ஸ் காலிபர் கல்வி நிறுவன இயக்குனர் ஜெயராஜ், பெங்களூரு ஐ.எஸ்.ஓ., 9001 கல்வி சேவை நிறுவன இயக்குனர் வாசுதேவன், ஆர்.ஆர்., கன்சல்டன்சி நிறுவன முதன்மை செயல் அதிகாரி நிர்மலா, கிராஸ்ரோட்ஸ் எச்.ஆர்., நிறுவன இயக்குனர் அருண்பிரகாஷ் உட்பட பலர் பங்கேற்றனர்.