விருத்தாசலம் : விருத்தாசலம் அருகே திருமண கோஷ்டி சென்ற தனியார் பஸ் கட்டுப்பாட்டை இழந்து புளியமரத்தில் மோதியதில் மணமக்கள் உட்பட 24 பேர் படுகாயமடைந்தனர்.

கம்மாபுரம் அடுத்த சிறுவரப்பூர் அருகேபஸ் சென்று கொண்டிருந்தபோது, பஸ்சின் ஆக்சில் உடைந்து அருகில் இருந்த புளியமரத்தில் மோதியது. பஸ்சில் பயணம் செய்த மணமகன் நாகலிங்கம், மணமகள் தேவி உட்பட 24 பேர் படுகாயமடைந்தனர்.அவர்கள் விருத்தாசலம் அரசு மருத்துவமனையில் சேர்க்கப்பட்டனர். படுகாயடைந்த சின்னபொன்னு, பக்கிரி, சூர்யமூர்த்தி ஆகிய மூன்று பேரும் மேல் சிகிச்சைக்காக கடலூர் அரசு மருத்துவமனைக்கு அனுப்பி வைக்கப்பட்டனர். கம்மாபுரம் போலீசார் விசாரித்து வருகின்றனர்.