இதே போல வேடசந்தூரிலிருந்து செல்லும் இணைப்பு ரோடு, திண்டுக்கல் ரோட்டில் இணைகிறது. இந்த இரு இடங்களும் ஆபத்து நிறைந்தது. கருக்காம்பட்டி அருகே வேடசந்தூர் பிரியும் ரோட்டிற்கு, இணைப்பு இல்லை. பழைய ரோட்டை அப்படியே விட்டு விட்டனர். இதனால் வேடசந்தூர்- கரூருக்கு ஒரே ரோட்டில் செல்ல வேண்டும். இந்த இடத்தில் அடிக்கடி விபத்து ஏற்படுகிறது. லட்சுமணம்பட்டி அருகே வேடசந்தூர் பிரிவு நான்கு வழிச்சாலையில் நடுவில் நடப்பட்ட செடிகள் வளர்ந்து, எதிர் திசையில் வருபவர்களுக்கு பார்வையை மறைக்கிறது. விபத்துக்களை குறைக்க, இக்குறைகளை களைய வேண்டும்.