இந்த கூட்டத்திற்கு பஞ்., தலைவர் ராமசுப்பு தலைமை வகித்தார். இதில் நான்குநேரி தாசில்தார் கதிரேசன் மற்றும் அதிகாரிகள் கலந்து கொண்டனர்.கூட்டத்தில் சிந்தாமணி பஞ்.,சிற்குபட்ட பகுதியில் செயல்பட்டு வரும் கோழிப் பண்ணையில் அனுமதியின்றி சாயப்பட்டறை செயல்பட்டு வருவதாகவும், இதில் திருப்பூர் மற்றும் சுற்றுப்பகுதியை சேர்ந்த 15பேர் வேலை செய்து வருவதாகவும் பொதுமக்கள் புகார் தெரிவித்தனர்.இதனையடுத்து தாசில்தார் கதிரேசன் சம்பவ இடத்திற்கு சென்று பார்வையிட்டார். அப்போது சாயப்பட்டறை செயல்படுவது தெரிய வந்தது.இது குறித்து தாசில்தார், கலெக்டர் மற்றும் உயர் அதிகாரிகளுக்கு தகவல் தெரிவித்தார். இதன்பேரில் சம்பவ இடத்திற்கு சுகாதாரத்துறை இணை இயக்குநர் மீரான் மைதீன், சுற்றுச்சூழல் துறை அதிகாரி விஜயபாஸ்கர் மற்றும் வருவாய், சுகாதாரம், சுற்ற்றுச்சூழல் துறை அதிகாரிகள் முகாமிட்டு விசாரணை நடத்தி வருகின்றனர்.