சென்னை:தமிழகத்தில், ஐந்து ஆண்டுகளுக்கு முன், 91.03 லட்சமாக இருந்த வாகனங்களின் எண்ணிக்கை, தற்போது, 1.36 கோடியாக உயர்ந்துள்ளது.

உயிரிழப்புகள் அதிகரிப்பு: தமிழகத்தில், கடந்த 2006ம் ஆண்டில் நடந்த மொத்த விபத்துகள் 55,145. இதில், உயிரிழந்தோர் 11,009 பேர். இறப்பு சதவீதம் 12.80 சதவீதமாக இருந்தது. இது, 2007ல், விபத்துகள் - 59,140, உயிரிழப்புகள்- 12,036 ஆகவும் உயர்ந்தது. 2008ல் விபத்துகள்-60,409, உயிரிழப்புகள்- 12,784 ஆகவும் எகிறிது.இதுவே 2009ல், விபத்துகள்-60,794, உயிரிழப்புகள்-13,746 ஆகவும், 2010ல், விபத்துகள்-64,996, உயிரிழப்புகள்-15,409 ஆகவும் உயர்ந்துள்ளன. 2010ம் ஆண்டில் இறப்பு சதவீதம், 12.10 சதவீதமாக உள்ளது. 2011ம் ஆண்டில், மார்ச் மாதத்திற்குள், 16,751 விபத்துகளும், 3,785 உயிரிழப்புகளும் நடந்துள்ளன. வாகனப் பெருக்கத்திற்கேற்ப, விபத்துகளும் ஆண்டுதோறும் அதிகரித்து வருகின்றன.