பழங்குடியினருக்கான உப்பிலியாபுரம் சட்டசபை தொகுதியை, தொகுதி மறு சீரமைப்பில் இழந்துள்ளோம். அதனால், சட்டசபையில் பழங்குடியின சமுதாயத்தைச் சேர்ந்த உறுப்பினர்களின் எண்ணிக்கை, மூன்றில் இருந்து இரண்டாக குறைந்துள்ளது.

இது குறித்து, முந்தைய ஆட்சியாளர்கள் எவ்வித நடவடிக்கையும் எடுக்கவில்லை. மூன்று நபர்கள் அடங்கிய குழுவை அமைத்து, உரிய விசாரணை நடத்தி, போலி ஜாதிச் சான்றிதழ் மூலம் அரசுப் பணிகளில் சேர்ந்தவர்களை, வேலையில் இருந்து நீக்க, முதல்வர் நடவடிக்கை எடுக்க வேண்டும்.கொல்லிமலையில் மூலிகைப் பண்ணை அமைக்கவும், கொல்லிமலையை தனி தாலுகாவாக அறிவிக்கவும் நடவடிக்கை எடுக்க வேண்டும்.இவ்வாறு சாந்தி பேசினார்.வருவாய்த் துறை அமைச்சர் தங்கமணி குறுக்கிட்டு பேசும்போது, 'கொல்லிமலையை தனி தாலுகாவாக அறிவிக்க, உரிய நடவடிக்கை எடுக்கப்பட்டு வருகிறது' என்றார்.