கோவை : குஜராத் முதல்வர் நரேந்திர மோடியின் உண்ணாவிரதத்துக்கு ஆதரவு தெரிவித்து, கோவை பா.ஜ., (வடக்கு) சார்பில், மாவட்ட கட்சி அலுவலகத்தில் உண்ணாவிரதம் நடந்தது.

அமைதி மற்றும் நல்லிணக்கத்தை வலியுறுத்தி, குஜராத் முதல்வர் நரேந்திர மோடி கடந்த மூன்று நாட்களாக உண்ணாவிரதம் இருந்து வந்தார். நேற்று மாலையுடன் உண்ணாவிரதத்தை முடித்துக் கொண்டார். அவருக்கு ஆதரவு தெரிவித்து, கட்சியின் கோவை அலுவலகத்தில் மாநில செயலாளர் செல்வக்குமார் தலைமையில் உண்ணாவிரதம் நடந்தது. கோவை வடக்கு மாவட்ட தலைவர் நந்தகுமார், மாநகர் மாவட்ட தலைவர் நந்தகுமார், மாவட்ட பொதுச் செயலாளர் செல்வராஜ், வழக்கறிஞர் அணி தலைவர் ராஜேஷ் உள்ளிட்டோர் பங்கேற்றனர்.