விவசாயியான இவர், நேற்று முன்தினம் இரவு 11 மணியளவில் ஏற்பட்ட மின் தடையால், காற்று வசதிக்காக, வீட்டின் இரு புறமும் கதவை பூட்டிக் கொண்டு, குடும்பத்தினருடன் வெளியில் படுத்தார்.மறுநாள் காலை 6.30 மணியளவில் வீட்டின் முன்பக்கக் கதவை திறந்து உள்ளே சென்று பார்த்தார். அப்போது பின்பக்க கதவு பூட்டு உடைக்கப்பட்டிருந்தது. மேலும், பீரோவின் கதவும் திறந்திருப்பதை கண்டு சண்முகம் அதிர்ச்சியடைந்தார்.பீரோவை பார்த்த போது, எட்டரை சவரன் நகை, ரொக்கம் 18 ஆயிரத்து, 500 ரூபாய் மர்ம நபர்களால் திருடப்பட்டது தெரிய வந்தது. இது குறித்து, திருத்தணி போலீசில் சண்முகம் புகார் செய்தார். திருத்தணி போலீசார் வழக்கு பதிவு செய்து விசாரணை மேற்கொண்டனர்.