மதுரை : திருச்சியில் பொறியியல் கல்லூரி மாணவியை பாலியல் வன்கொடுமை செய்த வழக்கில் கைதான இன்ஸ்பெக்டர் கண்ணன், கீழ் கோர்ட்டை அணுகும் வகையில் ஜாமின் மனுவை, மதுரை ஐகோர்ட் கிளை தள்ளுபடி செய்தது.

கண்ணன் சார்பில் தாக்கலான ஜாமின் மனு நீதிபதி ஆர்.மாலா முன் நேற்று விசாரணைக்கு வந்தது. அவருக்கு ஜாமின் வழங்க கூடாது என ஐகோர்ட் வக்கீல்கள் ஸ்டாலின், வெங்கடேசன் உட்பட பலர் ஆட்சேப மனு செய்தனர். அரசு வக்கீல் ராமரும், ஆட்சேபம் தெரிவித்தார். பின், மனுவை வாபஸ் பெறுவதாக, மனுதாரர் வக்கீல்கள் தெரிவித்தனர். அதை பதிவு செய்து கொண்டு, மனுதாரர் கீழ்கோர்ட்டை அணுகும் வகையில், ஜாமின் மனுவை நீதிபதி தள்ளுபடி செய்தார்.