முதுகுளத்தூர் : முதுகுளத்தூர் அருகே காத்தாகுளத்தில் 10 நாட்களாக குடிநீர் சப்ளை இல்லாததால், கிராம மக்கள் சுமார் ஐந்து கி.மீ., தூரம் அலையும் அவலம் ஏற்பட்டுள்ளது.

காத்தாகுளம் கிராம மக்கள் கூறியதாவது: சிறு காற்றிற்கே மின் சப்ளை துண்டிக்கப்படுகிறது. இதனால் குடிநீர் சப்ளையும் நின்றுவிடுவதால், மக்கள் கிராமத்தை விட்டே வெளியேறும் நிலையில் உள்ளோம். முதுகுளத்தூர் ஒன்றிய பி.டி.ஒ.,விடம் புகார் கொடுத்துள்ளோம், என்றனர். முதுகுளத்தூர் காவிரி குடிநீர் வடிகால் வாரிய அதிகாரி முருகேசனிடம் கேட்டபோது,''சில மின்கம்பங்கள் கீழே சாய்ந்து மின்சாரம் துண்டிக்கபட்டுள்ளது, இதை சீரமைக்கும் பணியில் ஊழியர்கள் ஈடுபட்டுள்ளனர். மின் துண்டிப்பால்தான் குடிநீர் சப்ளை பாதிக்கப்பட்டுள்ளது. தற்போது குடிநீர் சப்ளை சீராக்கபட்டுள்ளது'' என்றார்.