விழுப்புரம் : திண்டிவனம் அருகே விவசாயியிடம் 1,500 ரூபாய் லஞ்சம் வாங்கிய பெண் வி.ஏ.ஓ., மற்றும் கிராம உதவியாளரை லஞ்ச ஒழிப்பு போலீசார் கைது செய்தனர்.

லஞ்ச ஒழிப்பு டி.எஸ்.பி., (பொறுப்பு) திருநாவுக்கரசு, இன்ஸ்பெக்டர் கிருஷ்ணமூர்த்தி, சப்-இன்ஸ்பெக்டர் கலைச்செல்வி மற்றும் போலீசார் நேற்று காலை பேரணி வி.ஏ.ஓ., அலுவலகம் அருகே மறைந்திருந்து கண்காணித்தனர். அப்போது ஐய்யப்பன் விண்ணப்பத்துடன் சென்று லஞ்சப் பணம் 1,500 ரூபாயை கிராம உதவியாளர் பரமசிவத்திடம் கொடுத்தார். லஞ்ச ஒழிப்பு போலீசார் கிராம நிர்வாக அதிகாரி அன்பழகி,56, கிராம உதவியாளர் பரமசிவம்,47 ஆகிய இருவரையும் கைது செய்தனர். இருவரையும் விழுப்புரம் கோர்ட்டில் ஆஜர்படுத்தி கடலூர் மத்திய சிறையில் அடைத்தனர்.