மதுரை : மதுரையில், வீடு அபகரிப்பு வழக்கில் தி.மு.க., முன்னாள் வேளாண் விற்பனை குழுத் தலைவர் 'அட்டாக்' பாண்டியை போலீஸ் காவலில் விட, ஐகோர்ட் கிளை மறுத்து விட்டது.

மற்றொரு வழக்கு: மதுரையைச் சேர்ந்த ஆடிட்டர் அமர்நாத் நிலத்தை அபகரிக்க முயன்றதாக தி.மு.க., தலைமை செயற்குழு உறுப்பினர்கள் 'பொட்டு' சுரேஷ் (சுரேஷ் பாபு), சூடம்மணி உட்பட 6 பேர் மீது வழக்கு பதிவு செய்யப்பட்டது. இவ்வழக்கில் சூடம்மணி, உதயக்குமார் ஆகியோர் முன்ஜாமின் கோரி மனு செய்தனர். மனு மீதான விசாரணையை ஆக., 16க்கு, நீதிபதி ஆர்.மாலா தள்ளிவைத்தார். அதுவரை அவர்களை கைது செய்யக் கூடாது எனவும் உத்தரவிட்டார்.