கூடலூர் கன்னிகாளிபுரத்தில் மான்கொம்புகளை பதுக்கி வைத்திருப்பதாக வந்த தகவலைத் தொடர்ந்து, இன்ஸ்பெக்டர் ஜெயச்சந்திரன் தலைமையில் போலீசாரும், கம்பம் வனத்துறையினரும் சோதனை நடத்தினர். பேச்சியம்மாள் (60) வீட்டில் நடந்த சோதனையில் 4 மான் கொம்புகள், 2 அடி நீளமுள்ள சந்தனமரக்கட்டை இருந்தது கண்டுபிடிக்கப்பட்டது. அவற்றை போலீசார் பறிமுதல் செய்தனர். பேச்சியம்மாளிடம் மான் கொம்புகள் எப்படி வந்தன. இதில் தொடர்புடையவர்கள் யார் என்பது குறித்து அவரிடம் விசாரணை நடத்தி வருகின்றனர்.