செஞ்சி : செஞ்சியில் கழிவு நீர் வாய்க்கால் கட்டும் பணி மந்தமாக நடந்து வருவதால் பொதுமக்கள் அவதியடைந்து வருகின்றனர்.

வீடுகளில் உள்ளவர்கள் கழிவு நீரை வெளியேற்ற முடியாமலும், குடிநீர் குழாய்களில் தண்ணீர் பிடிக்க முடியாமலும் அவதிப்படுகின்றனர். செஞ்சியில் காந்தி பஜாருக்கு அடுத்த படியாக போக்குவரத்து அதிகம் உள்ள சாலையாக தேசூர் பாட்டை உள்ளது. இங்கு மணல், ஜல்லி ஆகியவற்றை நீண்ட நாட்களாக கொட்டி வைப்பதால் பொதுமக்கள் இடையூறுகளுக்கு ஆளாகின்றனர். மந்த கதியில் நடந்து வரும் கழிவு நீர் வாய்க்கால் கட்டும் பணியை விரைவாக முடிக்க வேண்டும் என பொதுமக்கள் கோரிக்கை விடுத்துள்ளனர்.