பொள்ளாச்சி : ஆயுர்வேத மருத்துவமனை என்ற பெயரில் மசாஜ் சென்டர் நடத்தியவர்களை போலீசார் கைது செய்தனர்.

இது குறித்து போலீசார் கூறியது: ஆயுர்வேத மருத்துவமனையில் ரெய்டு நடத்திய போது, அதன் உரிமையாளர் கேரள மாநிலம் எர்ணாகுளத்தை சேர்ந்த எடிசன் (44), அவரது மனைவி சைலா(43), கேரளாவை சேர்ந்த லட்சுமி, சுமதி, வித்யா, நைசி, பாலக்காட்டை சேர்ந்த வாடிக்கையாளர் அந்தோணி(39) ஆகியோர் இருந்தனர். ஆயுர்வேத மருத்துவமனை என்ற பெயரில் மசாஜ் சென்டர் நடத்தி வாடிக்கையாளர்களை கவர்ந்துள்ளனர். மருத்துவமனையின் அறைகளில் சட்டவிரோதமாக பெண்களை வைத்து தகாத செயல்களில் ஈடுபட்டுள்ளனர். கேரளாவை சேர்ந்த பெண்களுக்கு எந்த தகவலும் தெரியாததால் அவர்களை காப்பகத்தில் ஒப்படைத்துள்ளோம். எடிசன், அவரது மனைவி சைலா, வாடிக்கையாளர் அந்தோணி ஆகியோரை கைது செய்துள்ளோம், என்றனர்.