ஊட்டி : நீலகிரி மலை ரயிலின் செயல்பாடுகள் குறித்து, சுற்றுலா பயணிகள் அறிந்து கொள்ளும் வகையில், 'புட் பிளேட் ஜர்னி' திட்டத்தை செயல்படுத்த, ரயில்வே நிர்வாகம் பரிசீலனை செய்து வருகிறது.

பாரம்பரிய சின்னமாக அறிவிக்கப்பட்ட நீலகிரி மலை ரயில், கடந்த சில ஆண்டுகளாக பெரும் சிக்கலில் தவித்து வருகிறது. தரமற்ற நிலக்கரி, இழுவை திறன் குறைவு ஆகிய காரணங்களால், தனது இயக்கத்தை பாதியில் முடித்து விடுகிறது. இதனால், மலை ரயிலில் வரும் சுற்றுலா பயணிகள், நடுக்காட்டில் தவித்து வருவது, வாடிக்கையாகி விட்டது. நீலகிரி மலை ரயிலை, புனரமைத்து பாதுகாக்க வேண்டும் என, பல அமைப்புகள் தொடர்ந்து போராடி வருகின்றன.