விருதுநகர் : தமிழகத்தில் வறுமை ஒழிப்பு திட்டமான 'வாழ்ந்து காட்டுவோம் திட்டம்' சார்பில் கிராமங்களில் விழிப்புணர்வு ஏற்படுத்த கலை நிகழ்ச்சிகள் நடத்த அரசு உத்தரவிட்டுள்ளது.

'வாழ்ந்து காட்டுவோம் திட்டம்' சார்பில் உள்ள சுய உதவிக்குழு உறுப்பினர்களை ஒரு குழுவில் 8 முதல் 10 நபர்கள் வரை தேர்வு செய்து, திருவண்ணாமலை மாவட்டத்தில் கலை நிகழ்ச்சி நடத்த 12 நாட்கள் பயிற்சிகள் வழங்கப்பட்டுள்ளன. இதில் பயிற்சி பெற்ற கலைக்குழுக்கள் 'வாழ்ந்து காட்டுவோம் திட்டம்' செயல்படுத்தப்படும் பத்து மாவட்டங்களில் உள்ள கிராமங்களுக்கு சென்று தெரு நாடகம், திட்டப்பாடல்கள் பாடி, ஒன்னரை மணி நேரம் கலை நிகழ்ச்சி நடத்துகின்றனர். ஒரு குழு தினமும் அந்தந்த மாவட்டங்களுக்கு அருகில் உள்ள இரண்டு கிராமங்களில் கலை நிகழ்ச்சிகள் நடத்திட அரசு உத்தரவிட்டுள்ளது.