முடீஸ் நல்லமுடி எஸ்டேட், தாய்முடி, சோலையாறு உட்பட பகுதிகளில் நுழைந்த யானைகளை, வனத்துறையினர் சிறுகுன்றா வனப்பகுதிக்கு விரட்டினர். கடந்த மூன்று நாட்களாக, இப்பகுதியிலேயே யானைகள் முகாமிட்டுள்ளதால், இதை சுற்றியுள்ள காஞ்சமலை, நடுமலை, சிறுகுன்றா, சின்கோனா ஆகிய எஸ்டேட் பகுதி தொழிலாளர்கள், பீதியில் உள்ளனர். மானாம்பள்ளி வனச்சரக அலுவலர் ஆரோக்கியராஜ் சேவியரிடம் கேட்ட போது, ''யானைகள், தொழிலாளர்கள் குடியிருப்பு பகுதிக்குள் நுழையாமல் இருக்க தேவையான நடவடிக்கை எடுக்கப்பட்டுள்ளது. யானைகள் நடமாட்டத்தை கண்காணிக்க, தனிப்படை அமைக்கப்பட்டுள்ளது; பொதுமக்கள் பயப்பட தேவையில்லை,'' என்றார்.