புவனகிரி : புவனகிரி சாமுண்டீஸ்வரி அம்மன் கோவிலில் கத்தி போடும் திருவிழாவில், குழந்தைகள் முதல் பெரியவர் வரை உடலில் கத்தியால் கீறி அம்மனுக்கு நேர்த்திக்கடன் செலுத்தினர்.

மூன்றாம் நாளான நேற்று, கீழ்புவனகிரி வெள்ளாற்றுக்கு யானையுடன் சென்று புனித நீர் கொண்டு வந்தனர். வரும் வழியில் சிறியவர்கள் முதல் பெரியவர்கள் வரை மஞ்சள் ஆடை உடுத்தி, கையில் நீண்ட கத்தியுடன் பயபக்தியுடன் ஆடினர். மார்பிலும், கைகளிலும் கத்தியால் கீறி, ரத்தம் வரவழைத்து நேர்த்திக்கடன் செலுத்தினர். ரத்தம் வந்ததும் மஞ்சள் பொடியை உடலில் பூசிக் கொண்டனர். கைக்குழந்தைகளுக்கும் வேண்டுதலின் பேரில் கத்தியால் லேசாகக் கீறி நேர்த்திக்கடன் செலுத்தினர். இவ்விழா, வரும் 23ம் தேதி வரை நடக்கிறது.