மாவட்டத்தில் 108 ஆம்புலன்ஸ் வாகனத்தில் பணியாற்றும் 'பைலட்' மற்றும் தொழிலாளர்கள் நேற்று கலெக்டரை சந்தித்து கொடுத்துள்ள மனு: 108 ஆம்புலன்ஸ் சேவை திட்டத்தின் கீழ் பணியாற்றி வருகின்றோம். 12 மணி நேரம் பணிபுரியும் எங்களுக்கு 8 மணி நேர பணி வழங்க வேண்டும். நோயாளிகளை கையாள்வதால் எங்களுக்கு மருத்துவப் பரிசோதனை செய்ய வேண்டும். வாகனங்களின் டயர்களில் ஆயுட்காலம் முடிந்த பிறகும் 80 ஆயிரம் கிலோ மீட்டர் வரை இயக்க வேண்டியுள்ளதால் வாகனம் அடிக்கடி பழுதாகிறது. நோயாளிகளுக்கு சிரமம் ஏற்படுகிறது. இந்த நிலைகளை போக்க வேண்டும்.

இவ்வாறு மனுவில் கூறப்பட்டுள்ளது.