தூத்துக்குடி : தூத்துக்குடி, கோவில்பட்டி பள்ளிகளில் வரும்5ம் தேதி முன்னாள் ஜனாதிபதி அப்துல்கலாம் 2 ஆயிரம் மாணவ, மாணவிகளுடன் கலந்துரையாடுகிறார்.

மதியம் 2 மணி முதல் 3 மணி வரை ஒரு மணி நேரம் தூத்துக்குடி சுப்பையா வித்யாலயம் பெண்கள் மேல்நிலைப்பள்ளியில் ஆயிரம் மாணவ, மாணவிகளுடன் அப்துல்கலாம் கலந்துரையாடுகிறார். அரசு பள்ளி, அரசு உதவி பெறும் பள்ளி, தனியார் பள்ளி, மெட்ரிக்குலேஷன் பள்ளி, ஆங்கிலோ இண்டியன் பள்ளி, சி.பி.எஸ்.சி பள்ளி என்று அனைத்து பள்ளிகளில் இருந்தும் மாணவ, மாணவிகள் ஆயிரம் பேர் இதற்காக தேர்வு செய்யப்படுகின்றனர். இந்த நிகழ்ச்சியை முடித்து கொண்டு நெல்லை செல்லும் அப்துல்கலாம் பாளையங்கோட்டை பெல் மெட்ரிக்குலேஷன் பள்ளியில் நடக்கும் மாணவர்கள் கலந்துரையாடல் கூட்டத்தில் பங்கேற்கிறார். அந்த நிகழ்ச்சியை முடித்து கொண்டு கோவில்பட்டி வரும் முன்னாள் ஜனாதிபதி அப்துல்கலாம் அங்குள்ள யு.பி மெட்டரிக்குலேஷன் பள்ளியில் ஆயிரம் மாணவ, மாணவிகளுடன் கலந்துரையாடுகிறார். இதற்காக 6 முதல் 12ம் வகுப்பு வரை மாணவ, மாணவிகள் தேர்வு செய்யப்படுகின்றனர்.