இம்மூன்று வழக்குகளிலும் ஜாமின்கோரி, அவர் தூத்துக்குடி மாவட்ட முதன்மை அமர்வு கோர்ட்டில் மனுதாக்கல் செய்துள்ளார். இதன் மீதான விசாரணை நேற்று நீதிபதி பிரபுதாஸ் முன்னிலையில் நடந்தது. அரசு தரப்பில் வக்கீல் சந்திரசேகர் ஆஜரானார். ஆனால், டில்லி ஐகோர்ட் வளாகத்தில் நடந்த குண்டுவெடிப்பை கண்டித்து வக்கீல்கள் கோர்ட் புறக்கணிப்பு செய்ததால், அனிதா ராதாகிருஷ்ணன் தரப்பில் வக்கீல்கள் ஆஜராகவில்லை. இதையடுத்து, ஜாமின் மனு மீதான விசாரணையை, செப்.,12ம்தேதிக்கு (நாளை மறுநாள்) நீதிபதி ஒத்திவைத்தார்.