- நமது நிருபர் -: வெயில் காலத்தில் உடலை குளிர்ச்சியாக வைத்திருக்க, ஜில்லுனு சுவையான பானத்தை தேடி செல்வோம். இந்தாண்டு வெயில் காலத்தில், வீட்டிலேயே ஜில்லுனு மாம்பழ கஸ்டர்ட் சோர்பெட் செய்யுங்கள். கடைகளில் வாங்கி குழந்தைகளுக்கு தருவதற்கு பதில், வீட்டிலேயே செய்து கொடுக்கலாம்.

செய்முறை  மாம்பழத்தின் தோலை நீக்கி நறுக்கவும். பின், மிக்சியில் சிறிதளவு தண்ணீர் ஊற்றி, அரைத்து மிருதுவானதாக தயாரிக்கவும்

 ஒரு பாத்திரத்தில் கஸ்டர்ட் பொடி, பால், தேன் அல்லது பனங்கற்கண்டு சேர்த்து கலக்க வேண்டும். இதில், நீங்கள் விரும்பினால் சுவைக்காக வெண்ணிலா எசன்ஸ் சேர்க்கலாம்

 நாம் முதலில் அரைத்த மாம்பழம், கஸ்டர்ட் கலவையை ஒன்றாக கலக்கவும். குளிர்ச்சிக்கு 2 மணி நேரம் பிரீசரில் வைக்கவும். அவ்வளவு தான். சுவையான மாம்பழ கஸ்டர்ட் ரெடி. இதை ஒரு கிளாசில் ஊற்றி, அதற்கு மேல் நறுக்கிய பாதாம் பிஸ்தா துாவி அலங்கரிக்கலாம். புதினா இலை வைத்து கூட அலங்காரம் செய்யலாம்.