செய்முறை

முதலில் கோதுமை மாவை சலித்து, அகலமான பாத்திரத்தில் போடவும். இதில் தயிர், எண்ணெய், சமையல் சோடா, பேக்கிங் பவுடர் சேர்க்கவும். அதன்பின் சர்க்கரை, உப்பு, வெதுவெதுப்பான பால் சேர்த்து மிருதுவாக பிசைந்து கொள்ளவும். மாவு மீது, சுத்தமான ஈரத்துணியை போட்டு மூடி வைக்கவும்.

உருளைக்கிழங்கை வேக வைத்து, தோல் உரித்து கிண்ணத்தில் போட்டு மசித்து கொள்ளவும். இதில் சிறிதாக நறுக்கிய பச்சை மிளகாய், வெங்காயத்தை சேர்க்கவும். இக்கலவையில் சாட் மசாலா, தனியா துாள், மிளகாய் துாள், சீரக துாள், உப்பு சேர்த்து பிசைந்து கொள்ளவும்.

ஏற்கனவே பிசைந்து வைத்துள்ள கோதுமை மாவை, உருண்டைகளாக்கி தட்டி கொள்ளவும். அதில் உருளைக்கிழங்கு ஸ்டப்பை வைத்து மூடி, மீண்டும் தட்டவும். அதன்பின் அடுப்பில் தோசைக்கல் வைத்து, ஆலிவ் ஆயில் ஊற்றவும்.

தட்டி வைத்துள்ள மாவை போடவும். இரண்டு பக்கமும் பொன்னிறமாக வேகும் வரை, திருப்பி போடவும். இதுவே அம்ருதசரி குல்ஜா. தொட்டுக்கொள்ள தக்காளி சாஸ், தேங்காய் சட்னி அல்லது காபுல் கடலை சப்ஜி பொருத்தமாக இருக்கும்.