ஓணம் ஸ்பெஷல் நேந்திரன் பழ பிரதமன்!

தேவையானவை: நன்கு கனிந்த நேந்திரன் பழம் - இரண்டு, வெல்லத்துாள் - 100 கிராம், தேங்காய்ப்பால் - ஒரு கப்

ஏலக்காய்த்துாள் - கால் தேக்கரண்டி, முந்திரி, திராட்சை - தலா 10, பல்பல்லாக நறுக்கிய தேங்காய் துண்டுகள் - நான்கு தேக்கரண்டி, நெய் - மூன்று தேக்கரண்டி.

செய்முறை: நேந்திரன் பழத்தை தோலுடன் இரண்டாக நறுக்கி, தேவையான அளவு தண்ணீர் ஊற்றி வேக வைக்க வேண்டும்.

ஆறியதும் தோலை உரித்து, இரண்டாக நறுக்கி, நடுவே உள்ள விதைகளை நீக்கி சிறிய துண்டுகளாக்கவும். அதனுடன், சிறிதளவு தண்ணீர் விட்டு, மிக்ஸியில் விழுதாக அரைத் தெடுக்கவும்.

வெல்லத்துடன் சிறிதளவு தண்ணீர் ஊற்றி, கொதிக்க வைத்து இறக்கி வடிகட்டவும்.

அடிகனமான பாத்திரத்தில் நெய் விட்டு, முந்திரி, திராட்சை, தேங்காய்த் துண்டுகளை சேர்த்து வறுத்து தனியாக எடுத்து வைக்கவும்.

அதே நெய்யில், அரைத்த பழ விழுதை சேர்த்து கிளறி, வெல்லக்கரைசல், ஏலக்காய்த்துாள் சேர்த்து கொதிக்க விடவும்.

அதனுடன் தேங்காய்ப்பால் சேர்த்து கலந்து இறக்கவும். வறுத்த முந்திரி, திராட்சை, தேங்காய்த்துண்டுகளை மேலாக அலங்கரித்து பரிமாறவும்.